هەمو چالاکیەکان

iQ &nbsp;بەڵێن دەدات کە پشتگیری و پاڵپشتی تەواو بۆ وەرزشوانانی عێراق دابین بکات لە پێناو گەیشتن بەوپەڕی توانایان، ئێمە بڕیارمان داوە سپۆنسەری تەواو پێشکەشی باشترین وەرزشوانانی عێراق بکەین لە چەند وەرزشێکی جۆراوجۆر وجیاوازدا تاکو بتوانن خەونەکانیان بهێننەدی و لەسەر ئاستی نێودەوڵەتی یاری بکەن.

iQ وەرزش

پەیمان دەدەین بە دابینکردنی کەرەستەی تەکنەلۆژی و دیجیتاڵی بۆ ئەو خوێندنگا و کەمپانەی کە دوورن لە گەیشتن بە جیهان.

iQ پەیوەندی

iQ پشتگیری دەکات لە ئینفلونسەرەکانی بوارەکە لە جیهاندا تاکو زیرەکترین گەنجەکانی عێراق دەربکەون. ئەم پرۆگرامی مێنتۆرشپە هانی خوێندکارانی عێراق دەدات، هەروەها تازە دەرچووی زانکۆ و خاوەن کاری گەنجیش تاکو رۆلێکی گرنگیان هەبێت لە بەرەوپێشبردنی وڵاتەکەماندا.

iQ ڕێبەر

ئەکادیمیایەکە بەمەبەستی پێشوازکردن لە کەسانی شارەزا لە بواری تەکنەلۆژیادا بۆ بەڕێوەبردنی وۆرکشۆپ دەربارەی بەکارهێنانە جیاوازەکانی ئینتەرنێت و سوودەکانی. ئەکادیمیای iQ لە سەرجەم وڵاتەکەدا ئیڤەنتی جیاواز ساز دەکات و تێگەیشتنێکی تەواوەتی و سەرچاوەی دەوڵەمەند دەربارەی دیجیتاڵ پێشکەش دەکات بە دانیشتوانی عێراق.

iQ ئەکادیمی

هەمووی ببینە

چالاکی زیاتر

بۆ بەهاناوەچوونی ئەو خێزانانەی لە دەرئەنجامی باران بارینی بەخوڕ و لافاوی توندی ڕۆژانی رابردوو زیانێکی زۆریان پێگەیشتووە، بە تایبەتی لە ناوچەکانی چەمچەماڵ و تەکیە، گروپی کۆمپانیاکانی &nbsp;iQ هەڵمەتێکی گەورەی بەخشین و هاوکاری مرۆیی دەستپێدەکات.&nbsp;لەسۆنگەی هەستکردن بە بەرپرسیارێتی نیشتمانی، کۆمەڵایەتی و مرۆیی بەرامبەر پایتەختی شەهیدان و ئەنفالکراوان گروپی کۆمپانیاکانی iQ بڕیاریدا کۆمەکی دارایی خۆی پێشکەش بکات بۆ ئەوەی یارمەتیدەر بێت لە گێڕانەوەی ژیان بۆ زیانلێکەوتوان و کەمکردنەوەی نەهامەتی و قورساییەکانی ژیانی دانیشتوانی سەربەرزی چەمچەماڵ و تەکیە.&nbsp;لە چوارچێوەی ئەم هەڵمەتە مرۆییەدا، گروپی کۆمپانیاکانی iQ بڕی ١٠٠,٠٠٠,٠٠٠ دیناری عێراقی (سەد ملیۆن دینار) تەرخان دەکات بۆ پشتیوانیکردن لە خێزانە زیانلێکەوتووەکان، بۆ دابینکردنی پێداویستیە سەرەتاییەکانی ژیان و یارمەتیدان لە تێپەڕاندنی ئەم دۆخە سەختەدا، بە هیوای ئەوەی ئەم هاوکارییە ببێتە هۆکاری کەمکردنەوەی ئازار و خەمەکانی ئەم خێزانانە.

بۆ بەهاناوەچوونی ئەو خێزانانەی لە دەرئەنجامی باران بارینی بەخوڕ و لافاوی توندی ڕۆژانی رابردوو زیانێکی زۆریان پێگەیشتووە، بە تایبەتی لە ناوچەکانی چەمچەماڵ و تەکیە، گروپی کۆمپانیاکانی  iQ هەڵمەتێکی گەورەی بەخشین و هاوکاری مرۆیی دەستپێدەکات.

گروپی کۆمپانیاکانی iQ پاڵپشتی دارایی خۆی ڕادەگەیەنێت بۆ کۆمەڵگا زیانلێکەوتووەکانی لافاو لە چەمچەماڵ و تەکیە

گروپی کۆمپانیاکانی iQ بووە سپۆنسەری NMAKHANI لە یازدەهەمین فێستیڤاڵی هەناری هەڵەبجە، کە فێستیڤاڵێکی گەورەی کولتوورییە بەبۆنەی ڕۆژی جیهانیی هەنار و نمایشکردنی بەرهەمە خۆماڵی و دەوڵەمەندەکانی ناوچەکە. لەپێناو پاراستنی ژینگە و سروشتە جوانەکەی شاری هەڵەبجە، ڕێکخراوی NMAKHANI وەک بەشێک لە هەوڵەکانی هەستا بە دابینکردنی کەرەستەی دۆستی ژینگە بۆ فرۆشیاران و دووبارە بەکارهێنانەوەی کەرەستە پلاستیکییەکان بۆ دیکۆری فێستیڤاڵەکە و هەروەها بەکارهێنانەوەی پاشماوەکانیش وەک پەیین بۆ جووتیاران، خۆبەخشەکانیشیان بە بەردەوامی ڕێنمایی سەردانکەرانیان دەکرد بۆ پاراستنی پاک و خاوێنی گۆڕەپانی فێستیڤاڵەکە. هەر بەهۆی ئەم هاوبەشییەوە بۆنەیەکی سەرکەوتوو و ژینگەدۆست بەڕێوەچوو کە هەم نەریتە خۆماڵییەکانمانی بە زیندووی هێشتەوە و هەم بووە هۆی داهاتوویەکی سەوزتر. وەک بەشێک لە دەستپێشخەرییە بەردەوامەکانی گروپی کۆمپانیاکانی iQ بۆ پاراستنی ژینگە، ئێمە هەمیشە پابەندین بە پشتگیریکردنی ئەو پڕۆژانەی کە بەفیڕۆدانی خاشاک کەمدەکەنەوە، هاندەری پاراستنی ژینگەن و بەشدارن لە بنیادنانی ژینگەیەکی پاکتر و تەندروستتر بۆ کۆمەڵگەکانمان.

گروپی کۆمپانیاکانی iQ بووە سپۆنسەری NMAKHANI لە یازدەهەمین فێستیڤاڵی هەناری هەڵەبجە، کە فێستیڤاڵێکی گەورەی کولتوورییە بەبۆنەی ڕۆژی جیهانیی هەنار و نمایشکردنی بەرهەمە خۆماڵی و دەوڵەمەندەکانی ناوچەکە.

گروپی کۆمپانیاکانی iQ دەبێتە سپۆنسەری NMAKHANI لە یازدەهەمین فێستیڤاڵی هەناری هەڵەبجە

iQ &nbsp;هەمیشە هەوڵ دەدات پەرە بە هەموو سێکتەرە جیاوازەکان بدات و پانتایی زیاتر بۆ فراوانبوونیان بڕەخسێنێت، ئەویش لە ڕێگەی پشتگیریی گەنجانەوە تا بگەن بە ئامانجەکانیان.

iQ  هەمیشە هەوڵ دەدات پەرە بە هەموو سێکتەرە جیاوازەکان بدات و پانتایی زیاتر بۆ فراوانبوونیان بڕەخسێنێت، ئەویش لە ڕێگەی پشتگیریی گەنجانەوە تا بگەن بە ئامانجەکانیان.

iQ  سپۆنسەری یەکێتیی پاسکیلسواریی عێراق/لقی سلێمانیی کرد بۆ پێشبڕکێی پاسکیلسواریی

iQ لەگەڵ سولی سایکڵ هاوبەشی دەکات بۆ نەهێشتنی پاشماوە پلاستیکییەکان و پەرەپێدانی بەردەوام&nbsp; وەک بەشێک لە دەستپێشخەری سەوزمان، iQ بە خۆشحاڵییەوە سپۆنسەری هەڵمەتی "سولی بە بێ پلاستیک"ی سولی سایکڵی کرد کە خۆبەخشان، کۆمپانیاکان و رێکخراوەکان یەکدەخات بۆ نەهێشتنی پاشماوە پلاستیکییەکان لە شاری سلێمانی. هەڵمەتەکە 1500 کیلۆگرام پلاستیکی کۆکردووەتەوە کە زۆربەیان ڕیسایکڵ کران لە ڕێگەی ئامێرە نوێیەکانی ڕیسایکڵنگی پێچەوانەوە.&nbsp; لە ڕێگەی ئەم جۆرە هەوڵانە، دەمانەوێت پابەندبوونمان بۆ بەردەوام بوونی و دروستکردنی ئایندەیەکی سەوزتر و تەندروستتر بۆ کۆمەڵگاکەمان دووپات بکەینەوە. ئێمە پابەندین بە بەڕێوەبردنی گۆڕانکاری، بەرزکردنەوەی بەرپرسیارێتی، و هاندانی کردارە بەردەوامەکان بۆ پاراستنی هەسارەکەمان بۆ نەوەکانی داهاتوو.

iQ لەگەڵ سولی سایکڵ هاوبەشی دەکات

&nbsp;TFGBV یان توندوتیژیی ڕەگەزی لە ڕێگەی تەکنۆلۆژیاوە، جۆرێکی توندوتیژییە کە لە ڕێی ئینتەرنێتەوە ئەنجام دەدرێت، وەکو بێزارکردن، پێگوتنی قسەی نەشیاو یان گێچەڵی سێکسی و تا دوایی. TFGBV دەکرێت ڕووبەڕووی هەموو کەسێک ببێتەوە، بەڵام زیاتر ڕووبەڕووی ژنان و کچان دەبێتەوە. پرۆگرامی SEED به بەرەنگاربوونەوەی TFGBV ڕێک خراوە و سێ چالاکی بۆ بەرەنگاربوونەوەی ئەو پرسانە خستووەتە ڕوو: چالاکیی یەکەم تایبەتە بە باشترکردنی یاساکان، ڕێساکان، سیستەم و پراکتیکەکان. SEED هەوڵ دەدات لە ڕێگەی پێشنیارەکانیەوە، یاسا و ڕێساکان بەهێزتر بکات و دڵنیایی لە پارێزراوی و زوو دەستڕاگەیشتنی قوربانییەکان بە یارمەتی فەراهەم بکات و دادپەروەرییان بۆ بەدی بهێنێت. چالاکیی دووەم پێدانی هۆشیارییە لە بارەی TFGBVەوە، چونکە یەکێک لە ئامانجەکانی SEED ئەوەیە هەموان زانیاریی تەواویان لە بارەی TFGBVەوە هەبێت و بزانن فۆرمەکانی چییە و لە بەرامبەریدا هۆشیار بن. دواین چالاکییش پاراستنی هەرزەکاران و گەنجانە لە بەرامبەر TFGBVدا، ئەویش لە ڕێگەی چەند کۆبوونەوەیەکەوە لە سلێمانی کە تێیدا پاڵپشتیی دەروونییان بۆ ژیانی کۆمەڵایەتییان دەکرێت. هۆکاری ئەم پاڵپشتی و هاوکارییە ئەوەیە کە هەمیشە ئەگەرێک هەیە تەکنۆلۆژیا و ئینتەرنێت خراپ بەکار بهێنرێت، لە هەمان کاتدا چالاکیی لەم جۆرە دەتوانێت چارەسەری بۆ زۆرینەی کێشەکان پێ بێت، کە ئەمەش بەرپرسیارێتیی لەپێشینەمانە و بە ئەرکی خۆمانی دەزانین خەڵک لە بەرامبەر خراپ بەکارهێنانی تەکنۆلۆژیا و ئینتەرنێتدا هۆشیار بکەینەوە. &nbsp;

یان توندوتیژیی ڕەگەزی لە ڕێگەی تەکنۆلۆژیاوە، جۆرێکی توندوتیژییە کە لە ڕێی ئینتەرنێتەوە ئەنجام دەدرێت، وەکو بێزارکردن، پێگوتنی قسەی نەشیاو یان گێچەڵی سێکسی و تا دوایی. TFGBV دەکرێت ڕووبەڕووی هەموو کەسێک ببێتەوە، بەڵام زیاتر ڕووبەڕووی ژنان و کچان دەبێتەوە.

مایەی شانازییە بۆ iQ کە لەگەڵ دامەزراوەی SEED لە پرۆگرامی TFGBVدا هاوکارە

بە خۆشحاڵیەوە لەگەڵ نوێبوونەوەی ناسنامەی نوێی iQ وە لە ژێر بەرپرسیارێتی کۆمەڵایەتی کۆمپانیای iQ بە پلاتفۆڕمی نوێی Bit21 پڕۆژەیەکی نوێ ڕادەگەینین. بە هەماهەنگی لەگەڵ ڕێکخراوی منداڵپارێزی کوردستان، پلاتفۆڕمی Bit21 پڕۆژەی گەشەپێدانی تواناکانی منداڵان و گەنجان پێشکەش دەکات. ئامانجی ئەم پڕۆژەیە پاڵپشتیکردنی منداڵان و گەنجانی کەمدەرامەتە بۆ ئاشنابوونیان بە پرۆگرامین و بەرنامەکان، ئینتەرنێت و کۆمپیوتەر و هەروەها تەکنەلۆژیای زانیاری. بۆ ئەوەی لە داهاتوودا شارەزا و پسپۆڕ بن لە کارکردن لە بوارەکانی بزنسی ئۆنلاین و سەرجەم ئاپەکان. iQ هیوایەک و بەڵێنێک دەداتە گەنجان و منداڵان لە ووڵاتەکەماندا بۆ ئەوەی بتوانن تەکنەلۆژیا و زانیاریەکان بەشێوەیەکی ڕاست و دروست بەکاربهێنن و بە هۆیەوە بتوانن بە ڕووی جیهاندا بکرێنەوە، لە پەیوەندیدا بمێننەوە و لە کۆششی بەردەوام بن بۆ پێشخستنی خۆیان و کۆمەڵگەکەیان.

بە خۆشحاڵیەوە لەگەڵ نوێبوونەوەی ناسنامەی نوێی iQ وە لە ژێر بەرپرسیارێتی کۆمەڵایەتی کۆمپانیای iQ بە پلاتفۆڕمی نوێی Bit21 پڕۆژەیەکی نوێ ڕادەگەینین.

پڕۆژەی گەشەپێدانی تواناکانی منداڵان و گەنجان

لەژێر بەرپرسیاریەتی کۆمەڵایەتی کۆمپانیای iQ بە پلاتفۆڕمی نوێی (Bit21)ی خێرخوازی، کۆمپانیاکەمان بە هەماهەنگی هەریەک لە دامەزراوەی VIM و ڕێکخراوی PAKO پڕۆژەی (TNR) ڕادەگەینن! کە ئەمەش کورتکراوەی ووشەکانی Trap و Neuter و Return کە مانای (هەڵگرتنەوە و نەزۆک کردن(چارەسەر کردن)و گەڕاندنەوە) دەگەیەنن. ئەم پڕۆژەیە پێکهاتووە لەدەستبەسەردا گرتنی سەگە بێ لانەکان و چارەسەر کردن و پاراستنیان لە نەخۆشی لە ڕێگەی پاکژکردنەوەیان و نەزۆک کردنیان و دووبارە گەڕاندنەوەیان بۆ ژینگەی خۆیان. هەروەها ئەم پڕۆژەیە هەوڵی کۆنتڕۆڵ کردنی ڕێژەی ئاژەڵی بێ لانە دەدات بە باشترین و کاریگەرترین شێوە و پڕ لە بەهای مرۆڤایەتی، وە لە هەمان کاتدا تاکە چارەسەری گونجاوە بۆ کۆنتڕۆڵ کردن و نەهێشتنی نەخۆشیە گوازراوەکان بۆ مرۆڤ. ئێمە باوەڕمان بە مافی ئاژەڵان هەیە، پاراستنی ئاژەڵە بێ لانەکان و پارێزگاری کردنی کۆمەڵگە بە ئەرکی خۆمان دەزانین.

لەژێر بەرپرسیاریەتی کۆمەڵایەتی کۆمپانیای iQ بە پلاتفۆڕمی نوێی (Bit21)ی خێرخوازی، کۆمپانیاکەمان بە هەماهەنگی هەریەک لە دامەزراوەی VIM و ڕێکخراوی PAKO پڕۆژەی (TNR) ڕادەگەینن!

پڕۆژەی TNR

iQ خۆشحاڵە کە پاڵپشتی سێیەم چالاکیی ساڵانەی ڕێزلێنانە بۆ خاوەن پێداویستییە تایبەتەکان. ئێمە لە iQ باوەڕمان بە یارمەتیدانی هەموو تاکێک و ڕەخساندنی دەرفەت بۆ هەموان هەیە و ئامانجی سەرەکیمان گەشەسەندنی هەموو بوارەکانە. دیدگای iQ ئەوەیە کە لە ڕێگەی بەخشین و پشتگیرییەوە ژیانی کۆمەڵگە باشتر بکات.

iQ خۆشحاڵە کە پاڵپشتی سێیەم چالاکیی ساڵانەی ڕێزلێنانە بۆ خاوەن پێداویستییە تایبەتەکان. ئێمە لە iQ باوەڕمان بە یارمەتیدانی هەموو تاکێک و ڕەخساندنی دەرفەت بۆ هەموان هەیە و ئامانجی سەرەکیمان گەشەسەندنی هەموو بوارەکانە.

بە خۆشحاڵییەوە iQ پاڵپشتی مەراسیمی بەخشینی خەڵاتی خاوەن بەهرە تایبەتەکانە

گێڕانەوەی مێژوو و هەبوونی زانیاریی زیاتر لەسەر ناسنامەی نەتەوەیی و شارستانیمان، سوود و گرنگییەکی زۆریان هەیە کە بە هیچ نرخێک ناپێورێن. لە گرنگترین ئەو ڕێگەیانەش کە ئەمەمان بۆ بەدەست دەهێنێت، مۆزەخانەکانن، چونکە تێیدا مێژوو بۆ نەوەکانی ئایندە و هەموو جیهان نمایش دەکرێت. ئەم دیدگایە وای کرد کۆمپانیای iQ ئەرکی نۆژەنکردنەوەی تەواوی سیستەمی کارەبای بەڕێوەبەرایەتیی شوێنەواری سلێمانی بگرێتە ئەستۆ و بە خۆشحاڵییەوە ئەرکەکە بەجێ هێنرا و پڕۆژەکە بەئەنجام گەیەنرا. iQ هەمیشە بڕوای وابووە کە دەبێت لە هەماهەنگی و هەڵگرتنی بەرپرسیارێتییە کۆمەڵایەتییەکان و لە تەواوی کەرت و بوارەکاندا بەشدار بێت، ئەمە لە گرنگترین ئەرکەکانمانە و بێگومان لە داهاتوودا پڕۆژەی گەورەترمان دەبێت. &nbsp;

گێڕانەوەی مێژوو و هەبوونی زانیاریی زیاتر لەسەر ناسنامەی نەتەوەیی و شارستانیمان، سوود و گرنگییەکی زۆریان هەیە کە بە هیچ نرخێک ناپێورێن.

نۆژەنکردنەوەی سیستەمی کارەبای بەڕێوبەرایەتی شوێنەواری سلێمانی لە لایەن iQ

پشتگیریکردنی گەنجان و بەهرەکانیان بە ئەرکی خۆمان دەزانین. لەپێناو زیاتر بەرەوپێشچوونی وەرزش و پشتگیریکردنی گەنجان و پەرەپێدانی تواناکانیان، کۆمپانیای iQ &nbsp;پشتگیریی تیپی وەرزشیی ڕاپەڕین دەکات بە دابینکردنی جلوبەرگ و کەلوپەلە وەرزشییەکانیان. تیپی وەرزشیی ڕاپەڕین، یەکێکە لەو تیپانەی لە چەندین یاریزانی گەنج و بەهرەمەند پێک هاتووە و چاوەڕێی ئەنجامی گەورەیان لێ دەکرێت، iQ بە هاوبەشیکردنیان خۆشحاڵە.